Veldeke, een gedicht van een van onze jeugdleden!

Voor de wedstrijd van Veldeke Limburg hebben Evi en haar moeder een Limburgs gedicht geschreven over hoe leuk en belangrijk volleybal voor Evi is. Wij vonden dit zo leuk dat we Evi gevraagd hebben of we dit gedicht op onze website mogen plaatsen.

Volley.

Sporte, meziek, toneel en aafspraeke

Euvervol wore mien waeke.

Van pap en mam mós ich doaróm goan keze

Mer volley det wil ich toch ech neet verleze.

 

Twieë keer traine en op zunjig eine wedstried

Zoa kèn ich waal mien energie kwiet.

Pap dae oefent mit mich inne tuin

Mer ieërlik gezag, smietj hae de balle väöl te sjuin.

 

Mam moog mit mien spulle sjouwe

Mer bie de wedstried kèntj mam heure móndj weer neet houwe.

Om mich kapot te sjame, in de auto truuk zèk ich den hieël fel:

"Mam, aanmoedige doon w'r zelf mit oze yell"

 

't Is nog neet èns zó'n mekkelike sport óm te lere

Dae bal good richte, hoog passe en servere.

Mit os kniebesjermers óm, vlege w'r door de loch en euver de gróndj

En op 't lès zeen oos erm van al die krachte bóntj.

 

Ouch biej gooj taegestenjers wille weer ós neet loate kènne

Es w'r d'r veur goan, den kènne w'r wènne.

Mer ut sjoonste aan dees sport is elke keer

Toch veural same mit dien team: veul plezeer!

 

 

Moder Sanne en dochter Evi Vergoossen

Groep 7 Angela sjoal

2022